ФК Сампдорыя

Сампдорыя
Поўная назва	Unione Calcio Sampdoria, SpA
Заснаваны	1 жніўня 1946
Горад	Генуя, Італія
Стадыён	Луіджы Ферарыс Умяшчальнасць: 36 536
Прэзідэнт	Марка Лана[d]
Галоўны трэнер	Лучана Спалеці[d] Лучана Спалеці[d] Свен-Ёран Эрыксан Джан П’ера Вентура[d] Сініша Міхайлавіч[d] Вальтэр Дзенга[d] Эўджэніа Берселіні[d] Эўджэніа Берселіні[d] Вальтэр Мадзары[d] Марка Джампаала[d] Эўсебіа Дзі Франчэска[d] Клаўдзіа Раньеры Раберта Д’Аверса[d] Марка Джампаала[d] Дэян Станкавіч[d] Андрэа Пірла
Чэмпіянат	Серыя B
2022/23	▼ 20 месца ў Серыі A
Сайт	Афіцыйны сайт
Асноўная форма Гасцявая форма Рэзервовая форма

«Сампдорыя» (італ.: Sampdoria) — італьянскі футбольны клуб з горада Генуя. Клуб быў створаны ў 1946 годзе ў выніку зліцця двух існуючых спартыўных клубаў, карані якіх можна прасачыць да 1890-х гадоў, «Самп’ердарэнезэ» і «Андрэа Дорыя». «Сампдорыя» ў цяперашні момант гуляе ў Серыі B.

І назва каманды, і колеры кашуляў адлюстроўваюць адпаведныя прыкметы абодвух клубаў, як спалучэнне назваў і сіне-белыя і чырвона-чорныя колеры абодвух з былых клубаў. Свае хатнія гульні «Сампдорыя» праводзіць на стадыёне «Луіджы Ферарыс», які здольны змясціць 36 536 аматараў футбола. Гэтую пляцоўку клуб падзяляе з яшчэ адным прадстаўніком горада клубам «Джэноа». Дэрбі паміж двума клубамі шырока вядома як Ліхтарнае дэрбі.

«Сампдорыя» атрымлівала скудэта толькі адзін раз у сваёй гісторыі, у сезоне 1990/91. Клуб таксама чатыры разы станавіўся пераможцам Кубка Італіі (1985, 1988, 1989 і 1994) і адзін раз перамагаў у розыгрышу Суперкубка Італіі. Іх самы вялікі еўрапейскі поспех прыйшоў, калі яны атрымалі перамогу ў Кубку ўладальнікаў кубкаў у 1990 годзе. Яны таксама дасягнулі фіналу Кубка еўрапейскіх чэмпіёнаў у 1992 годзе, дзе саступілі іспанскай «Барселоне» з лікам 1:0 пасля дадатковага часу.

Узімку 2002 года, калі «Сампдорыя» была на мяжы знікнення, уладальнікам клуба стаў прадпрымальнік Рыкарда Гаронэ. Яму ўдалося вярнуць каманду ў еўракубкі.

Па выніках сезона 2010/11 каманда заняла 18-ы радок турнірнай табліцы і выбыла з Серыі A, аднак ужо праз год вярнулася ў элітны дывізіён, дзе гуляла да 2023 года.

Найлепшымі ігракамі ў гісторыі клуба лічацца нападнікі Джанлука Віялі і Раберта Манчыні, паўабаронца Аціліа Ламбарда і брамнік Джанлука Пальюка.

Гісторыя

Раннія гады

Гімнастычны клуб «Самп’ердарэнезэ» быў заснаваны ў 1891 годзе, адкрыўшы сваю футбольную секцыю толькі ў 1899 годзе. Таксама ў гэты час клуб імя «Таварыства Андрэа Дорыя» быў заснаваны ў 1895 годзе, ён амаль адразу засяродзіў сваю ўвагу на футболе.

Клуб «Андрэа Дорыя» не ўдзельнічаў у першых чэмпіянатах Італіі па футболе, якія былі арганізаваны італьянскай федэрацыяй футбола, замест гэтага яны гулялі ў спаборніцтвах, якія былі арганізаваны італьянскай гімнастычнай федэрацыяй. Клуб у рэшце рэшт усё ж такі ўступіў у розыгрыш футбольнага чэмпіянату ў 1903 годзе, аднак ігракі не маглі перамагчы ў ніводнай гульні да 1907 года, калі яны нанеслі паражэнне сваім мясцовым канкурэнтам — клубу «Джэноа» — з лікам 3:1.

Клуб не паказваў значных поспехаў, толькі ў сезоне 1910/11 ён аказаўся вышэй па турнірнай табліцы за такія клубы, як «Ювентус», «Інтэрнацыянале» і «Джэноа» ў розыгрышу свайго рэгіёна.

Пасля Першай сусветнай вайны, «Самп’ердарэнезэ», нарэшце, пачаў выступаць у розыгрышы італьянскага чэмпіянату, пасля таго як яны выкупілі правінцыйны даваенны клуб «Про Лігурыя». Такім чынам, «Самп’ердарэнезэ» і «Андрэа Дорыя» сустрэліся ў чэмпіянаце ў першы раз, «дарыянцы» атрымалі перамогу і згулялі ўнічыю (4:1 і 1:1), а таксама занялі другое месца пасля «Джэноа» ў розыгрышу чэмпіянату ў Лігурыйскай зоне, атрымаўшы, такім чынам, права ўдзелу ў нацыянальным раўндзе.

Склад

Станам на люты 2024 года.

№ Паз. Імя Нар. 1 Бр Філіп Станкавіч 2002 3 Аб Антоніа Барэка 1995 4 ПА Раналду Віейра 1998 5 ПА Крыстафер Аскільдсен 2001 6 ПА Сімонэ Панада 2002 7 Нап Себасцьяна Эспазіта 2002 8 ПА Матэа Рычы 1994 9 Нап Мануэль Дэ Лука 1998 10 ПА Валерыа Верэ 1994 11 Нап Эстаніс Педрола 2003 13 Аб Андрэа Конці 1994 14 ПА Пайтым Касамі 1992 15 Аб Арту Лёцёнен 2004 16 Нап Фабіа Барыні 1991

№ Паз. Імя Нар. 19 Нап Агусцін Альварэс 2001 21 Аб Сімонэ Джардана 2001 22 Бр Нікола Равалья 1988 23 Аб Фабіа Дэпаолі 1997 25 Аб Алекс Ферары 1994 28 ПА Жэрар Епес 2002 29 Аб Нікола Муру 1994 32 ПА Стэфана Джырэлі 2001 33 Аб Факунда Гансалес 2003 35 Аб Уга Байла 2005 40 Аб Петар Стаянавіч 1995 55 ПА Эбрыма Дарбо 2001 80 ПА Леанарда Бенедэці 2000 87 Аб Даніэле Гілардзі 2003

Спасылкі

• Афіцыйны сайт (італ.) (англ.) (ісп.) (кіт.)
• Сайт ультрас-групы Ultras Tito Архівавана 10 красавіка 2008. (італ.)